Сёння ў нашай установе адукацыі стартаваў Тыдзень беларускай мовы і літаратуры. На агульнашкольнай лінейцы вучні былі пазнаёмлены з планам Тыдня і анонсам мерапрыемстваў, якія будуць праводзіцца на працягу вучэбнага тыдня.

   А ў панядзелак прайшло мерапрыемства для вучняў 5-9 класаў - інтэлектуальнае спаборніцтва "БелаВеды" ў фармаце перадачы "Свая гульня". Школьнікі адказалі на 25 пытанняў па тэмах "Радзіма", "Беларуская мова", "Лексіка", "Беларуская літаратура", "Назвы". Напрыканцы мерапрыемства прысутныя ўпэўніліся ў тым, як трэба ведаць, любіць і шанаваць мову і літаратуру свайго народа, сваю Радзіму.