Слова… Мова… Радзіма… Словы гэтыя цесна звязаны. Як выхаваць патрыятычныя пачуцці, калі падлетак не будзе ведаць роднага слова, мовы, забудзе свае карані.
У нашай установе адукацыі грамадзянска-патрыятычнаму выхаванню надаецца вылікая ўвага. Навучыць школьніка думаць, выказваць свае думкі, адстойваць асабістыя погляды – адна з галоўных задач сучаснай школы. Выхаванню грамадзянскасці і патрыятызму спрыяе правядзенне мерапрыемстваў у шосты школьны дзень. Ва ўстанове адукацыі існуе такая традыцыя: кожны клас рыхтуе “сваю” суботу, сам падбірае тэму мерапрыемства. Гэта дазваляе вучням праявіць свае творчыя здольнасці, вучыць працы ў калектыве, а галоўнае, дапамагае выказваць свае думкі, спрачацца, даказваць свае меркаванні.
Не выключэннем стала і субота 25 лістапада, якую рыхтавалі вучні дзевятага класа. Была падрыхтавана і праведзена пазнавальная гульня-віктарына “ Загадкі роднай мовы”, удзел у якой прынялі вучні 7-9 класаў. Дзве каманды – “каласкі” і “васількі” – спрабавалі адказаць на пытанні пра родную мову, чыталі вершы на беларускай мове, разгадвалі крыжаванкі, займаліся перакладам з рускай мовы на беларускую. Напрыканцы мерапрыемства ўдзельнікі атрымалі невялікія сувеніры на памяць.
У гэты ж дзень вучні пачатковай школы правялі мерапрыемства “Святыні баранавіцкай зямлі”, на якім настаўніца Ківель Наталля Аляксандраўна пазнаёміла з вядомымі людзьмі Баранавіччыны, са славутымі помнікамі нашага раёна,
Мэтанакіраванае азнаямленне школьнікаў з родным краем, веданне роднай мовы – гэта састаўныя часткі выхавання і фарміравання ў яго патрыятызму. Без ведання сваіх каранёў, традыцый свайго народа, без ведання роднага слова нельга выхаваць сапраўднага чалавека. Радзіму, як бацьку з маці, не выбіраюць, яе прымаюць такой, якая яна ёсць. І толькі падрастаючы, чалавек асэнсавана пачынае любіць сваю радзіму. Так нараджаецца грамадзянін, так фарміруецца патрыёт.
раскрыть » / « свернуть