24 студзеня. Шосты школьны дзень. На дварэ мароз, снег, а ў школе цеплыня і прыемнасць ад усмешак нашых выхаванцаў. Нягледзячы на халоднае надвор’е, школьная субота стала   пляцоўкай для правядзення  цікавых мерапрыемстваў.

  Вучні  3-5 класаў разам з бібліятэкарам школы Ананчык Т.У. наведалі кніжную карусель “Бабулі і дзядулі ў дзіцячай літаратуры”. А якія ж яны, бабулі і дзядулі, на самой справе ў дзіцячых кніжках? Розныя! Незвычайныя і казачныя, бо лепш за ўсіх на свеце яны могуць прыдумваць гісторыі і расказваць іх сваім унукам. Таму і адбылося знаёмства  школьнікаў з творамі, дзе галоўнымі героямі сталі  гэтыя важныя ў жыцці кожнага чалавека людзі.

  Гадзіна зносін “Мой дом, мая сям’я” запрасіла астатніх рабят на цікавую гутарку пра ролю сям’і ў жыцці чалавека. Чырвонай ніткай праз усё мерапрыемства прайшла думка, што ў кожнага чалавека павінен быць дом, сям’я, радня. Як сказаў Ніл Гілевіч 

“Мы - тройчы дзеці ў вечным крузе: 

Мы - дзеці роднае сям'і, 

І - дзеці Маці-Беларусі, 

І - дзеці Матухны-Зямлі. 

Трайны ён, круг, ды недзялімы: 

Бо сёння - як ні паглядзім - 

А лёс Дзяцей, і лёс Радзімы, 

І лёс Планеты - лёс адзін”.  

Сям’я, Радзіма, лёс Планеты  - гэтыя пытанні  былі закрануты  ў ходзе гутаркі.

  24 студзеня школьнікі нашай установы адукацыі  прынялі актыўны  ўдзел  у  мерапрыемствах, займаліся ў   аб’яднанні  па інтарэсах  “Дом лялькі”. 

  Наперадзе – вучэбны тыдзень! Няхай ён прынясе нашым вучням толькі добрыя і выдатныя адзнакі, новыя веды, стане плённым для навучэнцаў і настаўнікаy.