Сёння ва ўстанове адукацыі пачаў працаваць выхаваўча-аздараўленчы лагер "Сонейка". Дзесяць дзяўчынак і хлопчыкаў прыйшлі ў школу, каб цікава і карысна правесці час. У першы дзень прышкольнага лагера з выхаванцамі была праведзена інструктаж-гутарка "Бяспечныя і адказныя паводзіны ў прышкольным лагеры і за яго межамі". Затым дзеці разам з настаўнікамі прынялі ўдзел у завочным падарожжы з элементамі гульні-віктарыны "Наша Радзіма - Беларусь". Выхаванне пачуцця калектывізму, сяброўства, узаемапавагі, развіццё моўнай культуры - асноўныя мэты мерапрыемства. Сённяшні дзень у прышкольным лагеры стаў днём шашачнага турніру паміж выхаванцамі, днём рухомых гульняў, днём пазнання новага.