28 красавіка  наша ўстанова адукацыі працавала па плане шостага школьнага дня.  Вучні прыйшлі ў школу, каб  атрымаць зарад  бадзёрасці і добрага настрою.

   Пачаўся шосты  школьны дзень з аб’яднання па інтарэсах “Настольны тэніс”, а затым вучні пачатковай школы прынялі ўдзел у спартландыі  “Вясёлыя старты”.

   Умацаванне здароўя дзяцей, развіццё лоўкасці,  выхаванне пачуцця калектывізму – асноўныя мэты мерапрыемства. Спартландыя прайшла пад дэвізам: “Спорт – памочнік, спорт – здароўе, спорт – гульня… Фізкульт – ура!”.

   Вучні сярэдняга і старэйшага звяна  пагаварылі пра сямейныя каштоўнасці. Гутарка “Сям’я – галоўнае багацце чалавека” дапамагла  навучэнцам  асэнсаваць ролю  блізкіх і родных людзей у жыцці кожнага чалавека. Нездарма ў народзе гавораць: “Згода ды лад  у сям’і – скарб”, “Хто бацькоў шануе, той ніколі не згіне”, “Дружную сям’ю і гора не бярэ”.