Першая школьная субота

     Яшчэ, здаецца, учора былі гульні, вольны час,сямейныя экскурсіі і паходы. І вось ужо   сустрэчы са школьнымі сябрамі і настаўнікамі, урокі, мерапрыемствы. Першая школьная субота, як заўсёды, прайшла весела і  актыўна. Настаўнікі пастараліся, каб першы школьны суботні дзень стаў  запамінальным і пазнавальным. З гэтай мэтай настаўніца пачатковых класаў Бянько Таццяна Міхайлаўна правяла гульнявую праграму  “Законы вуліц і дарог”. Вучні пачатковых класаў яшчэ раз успомнілі правілы дарожнага руху, назвы дарожных знакаў, асабліва ўважліва пазнаёміліся з новымі правіламі  для веласіпедыстаў, паразгадвалі загадкі, рэбусы.  А галоўнае – вучыліся працаваць у камандзе, вучыліся ўзаемапавазе, уменню падтрымаць сябра  ў той ці іншай сітуацыі. Вучні 5-11 класаў прынялі ўдзел у спартыўных спаборніцтвах. Разам з настаўніцай фізічнай культуры і спорту Акапян Аленай Паўлаўнай яны гулялі ў валейбол, паігралі ў настольны тэніс, паспрабавалі свае сілы  на  занятках атлетычнай гімнастыкі.  Настаўнік гісторыі Гуз Міхал Міхайлавіч правёў гутарку са старшакласнікамі на тэму  “29 –ты Дзень пісьменства і друку ў Добрушы”. Вучні праслухалі вершы сваёй зямлячкі Танюкевіч С.Ч. пра родны край і родную мову. Кіраўнік па ваенна-парыятычнаму выхаванню Рыбак Уладзімір Віктаравіч пазнаёміў  вучняў з музеямі Вялікай Айчыннай вайны  “Гістарычная памяць –сувязь часоў і пакаленняў”.

  Хочацца спадзявацца, што першая школьная субота ў новым навучальным годзе стала сапраўдным адкрыццём для вучняў. Хочацца верыць, што наступныя суботнія мерапрыемствы будуць такімі ж цікавымі і пазнавальнымі. Да новых сустрэч!