Шосты школьны дзень - 23 верасня - у нашай установе адукацыі быў адзначаны цікавымі мерапрыемствамі. Вучні пачатковых класаў правялі гульню-падарожжа "Па гарадах Беларусі", у ходзе якой віртуальна наведалі абласныя і раённыя цэнтры. Веданне гісторыі сваёй краіны - галоўная задача сучаснага чалавека, а знаёмства з гісторыяй пачынаецца ўжо ў малодшым узросце. Вучні сярэдняга звяна наведалі помнік у гонар загінуўшых лётчыкаў А. Нічыпорчыка і М. Куканенкі, схілілі галовы перад героямі, якія цаной уласнага жыцця выратавалі людзей. "У жыцці заўсёды ёсць месца подзвігу", - прарочыя словы, якія не страчваюць сваёй надзённасці ні ў ваенны час, ні ў мірны.
   Школьная субота скончылася. Наперадзе чакае нас вучэбны тыдзень, які прынясе не толькі новыя веды, але, спадзяемся, і задавальненне ад сваёй працы.