18 кастрычніка ў нашай установе адукацыі прайшоў адзіны ўрок "Цяпло бацькоўскай душы", які праводзіўся ў рамках Тыдня бацькоўскай любві. Галоўная мэта ўрока - фарміраванне ўяўленняў пра сям'ю і сямейныя каштоўнасці; выхаванне пачуцця любві і павагі да бацькоў.
   Кожны клас падрыхтаваў сваё бачанне сямейнага жыцця; вучні расказалі пра традыцыі і сямейныя каштоўнасці ў сваіх сем'ях; адказалі на пытанне: што ляжыць у аснове моцнай сям'і? На адзіным уроку былі вызначаны якасці, якія вызначаюць мацярынскі і бацькоўскі пачатак. Вучні будавалі на ўроку дом, кожная цаглінка якога выражала іх бачанне моцнай сям'і.