9 лістапада ў нашай установе адукацыі прайшла агульнашкольная інфармацыйная гадзіна "Пад знакам міру, сяброўства і дабра". Мэта яе - паглыбленне ведаў аб Беларусі, гісторыі краіны, выхаванне ў вучняў пачуцця любві і павагі да роднага краю, гонару за свой народ. Інфармацыйная гадзіна прайшла ў форме падарожжа па родным краі. Вучні пабылі ў ролі не толькі экскурсантаў, але і экскурсаводаў. Усе разам абмеркавалі пытанні гісторыі нашай Радзімы, глыбей пазнаёміліся з прыродай Беларусі, віртуальна наведалі старажытныя гарады, прачыталі вершы пра родны край. Напрыканцы інфармацыйнай гадзіны на выяве малюнка "голуб" напісалі самыя шчырыя пажаданні сваёй Радзіме. Агульнашкольнае мерапрыемства стала чарговым звяном у грамадзянска-патрыятычным выхаванні.