“Каб здаровым, моцным быць трэба спорт, сябры, любіць!” – пад такім дэвізам прайшоў шосты  школьны дзень  у нашай установе адукацыі. Ужо традыцыйна кожная другая субота месяца ў нашай школе – гэта свята здароўя, вынослівасці, спаборніцтваў, сяброўства.  Не стаў выключэннем  дзень 9 снежня. Перад пачаткам спаборніцтваў усе  ўдзельнікі паўтарылі правілы бяспечных паводзін, атрымалі пажаданні поспеху ад настаўніка фізічнай культуры і спорту  Акапян А.П.  А далей пачалося самае цікавае -  спартыўная эстафета, якая ўключыла ў сябе цікавыя конкурсы, гульні, віктарыну. І, канешне, падвядзенне вынікаў пасля  спаборніцтваў стала прыемным заканчэннем  Дня здароўя. Сённяшняя субота стала  суботай здароўя  для  многіх  вучняў школы. Вынослівасць, сіла, лоўкасць, хуткасць – асноўныя якасці , якія выхоўвае настаўнік фізічнай культуры ў сваіх вучняў мерапрыемствамі спартыўнай накіраванасці.

   Для вучняў  1-6 класаў прайшло цікавае мерапрыемства “Ці лёгка быць салдатам?”.  Гульнёвая  праграма была адрасавана ў першую чаргу хлопчыкам, але  актыўны ўдзел у ёй  прынялі і дзяўчынкі. Рабяты адказвалі на пытанні, праяўлялі кемлівасць у выкананні  гульнёвых заданняў, праглядзелі відэафільм на прапанаваную тэму.

   Фізкультурна-аздараўленчая работа,  работа заняткаў па інтарэсах, шматлікія мерапрыемствы - усё, што было запланавана ў гэты дзень, праведзена. Яшчэ адна школьная субота скончылася. Вучні з добрым настроем і новымі ўражаннямі  адправіліся дамоў, каб з нецярпеннем  чакаць наступны  шосты школьны дзень.