Другая школьная субота лютага. У нашай установе адукацыі – Дзень здароўя! У школе склалася добрая традыцыя: кожны другі шосты школьны дзень  месяца  прысвячаецца   спартыўным  мерапрыемствам.  І гэта не выпадкова. Бо яшчэ ў старажытнасці казалі: “Здароўе даражэй багацця”, “Дай Бог здароўе, а шчасце знойдзем”.  Здароўе – гэта бясцэнны  дар, які  мы часта не шануем, забываючы, што страціць здароўе лёгка, а вось вярнуць яго бывае вельмі цяжка. Таму і нададзена  такая пільная ўвага здароўю ў нашай  установе адукацыі. “Зімовыя  забавы”, – пад такой назвай  прайшла конкурсная праграма  для вучняў 1 -4 класаў. Школьнікі  пад кіраўніцтвам  настаўніка  паказалі высокі  ўзровень фізічнай падрыхтоўкі, лоўкасць, смеласць,  выхоўваліся такія якасці, як  таварыскаць, пачуццё адказнасці, упэўненасці ў сваіх сілах.

   А вось рабяты сярэдняга і старэйшага звяна ў гэты дзень правялі турнір “Гуляем у шашкі і шахматы”. Лагічнае мысленне, уменне вырашаць праблемныя сітуацыі, знаходлівасць, настойлівасць, уменне дастойна выйгрываць  і прайгрываць – такія  выхаваўчыя мэты былі пастаўлены і вырашаны ў  ходзе мерапрыемства.

   Прадаўжэннем Дня здароўя стала кансультацыя для вучняў “Канструктыўныя спосабы выказвання негатыўных пачуццяў”, якую правёў Гуз М.М., адказны за абарону правоў і інтарэсаў непаўнагадовых. Пытанні школьнікі задавалі розныя, але кожны атрымаў грунтоўны адказ, кожны меў магчымасць паўдзельнічаць у гульні па дадзенай тэме.
Як і кожны шосты школьны дзень ва ўстанове адукацыі працавалі заняткі па інтарэсах “Дом лялькі” і “Настольны тэніс”.
Шосты школьны дзень скончыўся. Ён падарыў усім прысутным зарад бодрасці, выдатны настрой , пакінуў яркія эмоцыі!