Чарговая школьная субота – трыццатага лістапада – у нашай установе адукацыі прайшла цікава, карысна і займальна.

   Дзень, як звычайна, пачаўся з аб’яднання па інтарэсах  “Настольны тэніс”. Сустрэча  паміж  удзельнікамі  аб’яднання была хвалюючай, але  ўсе паказалі  свой узровень майстэрства і атрымалі масу  станоўчых эмоцый.

   Абмен поглядамі “Вучоба – наша галоўная праца, знак якасці – выдатныя адзнакі” адбыўся паміж вучнямі 2-4 класаў. Мэта мерапрыемства – фарміраванне разумення таго, што  поспех у навучанні амаль поўнасцю залежыць ад саміх вучняў, ад іх жадання і волі. Пачаткоўцы  аналізавалі сваю  вучэбную дзейнасць, упэўніліся ў неабходнасці ведаў , добрых і выдатных адзнак  для дасягнення жыццёвых мэт.

   2024 год у нашай краіне аб’яўлены Годам якасці. Сапраўды, многія  брэнды Беларусі  карыстаюцца вялікай папулярнасцю  не толькі ў нашай краіне, але і за яе межамі. Каб праверыць, наколькі  добра ведаюць нашы вучні  беларускія тавары, была праведзена віктарына “Зроблена ў Беларусі”. У ходзе мерапрыемства  школьнікі ўспомнілі такія беларускія брэнды, як МАЗ, МТЗ, Атлант, Гефест, кандытарскія фабрыкі “Спартак” і “Камунарка” і многія іншыя беларускія тавары, якія годна прадстаўляюць нашу краіну на сусветным рынку.

   Усё, што было запланавана ў шосты школьны дзень, праведзена. Наперадзе – вучэбны тыдзень, які пачынаецца  адной з найпрыгажэйшых пор года – зімы. Няхай ён прынясе толькі добрыя і выдатныя адзнакі для вучняў і цудоўны настрой для настаўнікаў.