Сёння ў нашай школе праходзіць Міжнародны дзень роднай мовы. У гэтым навучальным годзе вучэбны дзень пачаўся з акцыі "Напішам дыктант разам", у якой прынялі ўдзел вучні 5-11 класаў і настаўнікі. Сімвалічны і тэкст дыктанта - "Родная мова", у якім чырвонай ніткай праходзіць заклік шанаваць родную мову, садзейнічаць яе развіццю і росквіту. У школьным фае арганізавана выстава кніг беларускіх пісьменнікаў, выказванні вядомых людзей пра родную мову. У гэты ж дзень плануецца правядзенне рэспубліканскага конкурсу "Буслік".