У нашай установе адукацыі выпускнікамі 11 класа была высаджана алея туй. “Гэта падарунак школе за ўсе гады вучобы”, - такімі словамі пачалося высаджванне дрэў. Кожны адзінаццацікласнік, а таксама класны кіраўнік Тылецкая Г. В. пасадзілі сваё дрэўца.

     Традыцыя дарыць школе зялёныя насаджэнні існуе даўно. Выпускнікі мінулых гадоў высадзілі яблыневы сад, а пазалетась была высаджана прешая алея вечназялёных кустарнікаў. І сёлетнія выпускнікі прадоўжылі традыцыю. “У Год малой Радзімы няхай наша школа, наша вёска стане яшчэ больш прыгожай, больш зялёнай”, - сказаў адзін з выпускнікоў – Савінец Віктар.