27 сакавіка (шосты школьны дзень)прайшоў пад назвай “Запаведныя мясціны роднага краю”. Усе мы ведаем беларускую прыказку “Дарагая тая хатка, дзе нарадзіла мяне матка”. Для кожнага родная зямля асацыіруецца з маці, якая нарадзіла , домам, куды заўсёды можна вярнуцца, сцяжынкай у школу, дзе атрымаў першыя веды. Малая радзіма, несумненна, адыгрывае вялікую ролю ў жыцці чалавека. Але мы ўсе і дзеці Беларусі. Як сказаў Ніл Гілевіч:
Мы – тройчы дзеці ў вечным крузе:
Мы – дзеці роднае сям’і,
І - дзеці Маці-Беларусі,
І – дзеці Матухны- Зямлі.
А ведаць свой край, помніць сваіх продкаў, шанаваць сваю прыроду – гэта ўжо гонар і годнасць кожнага беларуса. Вучні школы не толькі пазнаёміліся з запаведнымі мясцінамі роднага краю, але і наведалі ( хоць і віртуальна) Белавежскую пушчу, Браслаўскія азёры, Нарачанскі запаведнік. Гуз М.М., настаўнік гісторыі і класны кіраўнік 10 класа, прапанаваў вучням цікавую віктарыну па тэме мерапрыемства.
Вучні пачатковых класаў разам са сваёй настаўніцай Семянюк С.С. правялі КВІЗ-гульню “Гумарына для сяброў”, на якой праводзіліся розныя конкурсы, разгадваліся загадкі, паказваліся пантамімы. З вялікім задавальненнем хлопчыкі і дзяўчынкі прынялі ўдзел у мерапрыемстве.
Па графіку шостага школьнага дня праводзілася фізкультурна-аздараўленчая работа і гурток “Тэкстыльныя фантазіі”. Напрыканцы дня педагог сацыяльны правёў кансультацыю для вучняў “Правы і абавязкі падлетка”, а з важатымі акцябрат была праведзена вучоба па тэме “Акцябрацкае поле цудаў”.
І хоць заўтра пачнуцца вясновыя канікулы, гэты шосты школьны дзень стаў мнагалюдным, пазнавальным і цікавым.