1 кастрычніка ў нашай установе адукацыі прайшло шмат цікавых мерапрыемстваў. Майстар-клас, прысвечаны Дню пажылога чалавека “Дзень дабрыні і павагі”, правяла са сваімі выхаванцамі Семянюк С.С.. Згадзіцеся, кожны ўзрост прывабны па-свойму, але толькі з гадамі да чалавека прыходзіць мудрасць, ён пачынае разумець сэнс свайго зямнога прызначэння. Таму вучні пачатковай школы не проста зрабілі падарункі сваімі рукамі для бабуль і дзядуль, але і даведаліся пра вытокі свята, расказалі пра сваіх родных і блізкіх людзей.
Для вучняў 5-11 класаў пазнавальным стаў круглы стол “Бяспека ў сетцы Інтэрнэт”. Вучні абмяняліся думкамі аб правілах бяспекі пры наведванні розных сайтаў, даведаліся, з якімі пагрозамі могуць сутыкнуцца дзеці ў сетцы Інтэрнэт, пагаварылі аб інтэрнэт-хуліганстве, кіберпраследаванні, кібербулінгу. На думку настаўніцы Бурдзіной Н.А., пытанні бяспекі ў сусветнай павуціне вучні павінны ведаць дасканала, бо ад гэтага залежыць іх жыццё ў сучасным свеце: няведанне і наіўнасць, легкадумнасць дзяцей робяць іх лёгкай здабычай для розных жулікаў.
Рыбак У.В., кіраўнік па ваенна-патрыятычным выхаванні, арганізаваў прагляд і абмеркаванне відэафільма “Ваеннае пакаленне – мірнаму пакаленню”, а бібліятэкар Гаўрылік Т.Г. правяла з вучнямі гутарку “Наркотыкі – не наш шлях”.
Школьная субота – гэта не толькі мерапрыемствы. Вучні з вялікім задавальненнем наведваюць гурткі “Мяккая цацка” і “Настольны тэніс”, якія працуюць у шосты школьны дзень.